Атырау облысында ғылым мен шығармашылыққа дарынды балаларды анықтауға көмектесетін «Qabilet» қызметі іске қосылуда, - деп хабарлайды Атырау облысының өңірлік коммуникациялар қызметі.

Бұл туралы брифинг барысында «Дарындыларды анықтау және қолдау орталығының» директоры Руслан Сарбалин айтты.

«Qabilet» жобасы өңіріміздегі балалардың қабілетін дер кезінде анықтап, баланың болашақ мамандығын дұрыс таңдауына мүмкіндік беретініне сенімдіміз. Жоба 10-11 жастағы балаларға арналған. Оған қатысу үшін мектеп оқушылары арнайы платформада диагностикадан өтуі керек, деді спикер.

Мүмкіндік диагностикасынан өту ақысыз. Ол үшін қатысушыларға qabilet.elbasyacademy.kz сайтында тіркелу қажет және сынақтан өту керек. Тестілеу нәтижелері бойынша қатысушы қабілеттері нәтижелерінің талдауын алады, сонымен қатар консультациялық қолдау мен әлеуетті дамыту бойынша ұсыныстар ала алады.