Қазақстан Республикасы Президенті Қасым Жомарт Тоқаев сыбайлас жемқорлыққа қарсы күрес еліміздің стратегиялық дамуының негізгі басымдықтарының бірі екенін атап айтты.
Сыбайлас жемқорлық әлеуметтік-экономикалық даму үдерісін, нарықтық экономиканың құрылуын, инвестициялар тарту процесін тежейді. Демократиялық мемлекеттің саяси және қоғамдық институттарына кері әсерін тигізеді, елдің болашақ дамуына елеулі қауіп төндіреді. Сондықтан онымен күрес тоқтамақ емес.
Осы орайда, Құрманғазы ауданы әкімдігімен аудан әкімдігі жанындағы сыбайлас жемқорлыққа қарсы іс-қимыл жөніндегі комиссия құрылып, бекітілген жоспарға сәйкес комиссия отырыстары әр тоқсан сайын өткізіліп келеді.
Аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі комиссия жыл сайынғы жұмыс жоспарын бекітіп, әр тоқсан сайын өз жұмысын тұрақты түрде жүргізуде.
Өткен 2022 жылдың 12 айына комиссия отырысында 12 мәселе қаралып, олар бойынша тиісті хаттамалық шешімдер қабылданып, мүдделі мемлекеттік органдарға ұсыныс-тапсырма орындау үшін жолданды.
Аудан әкімдігімен сыбайлас жемқорлыққа қарсы іс-қимылдың алдын-алу шараларын күшейту бағытында әкімдікке қарасты жергілікті атқарушы органдар бойынша мемлекеттік қызмет, сыбайлас жемқорлыққа қарсы іс-қимыл саласындағы заңнамасының және Әдеп кодексінің талаптарын сақтау мәселелері бойынша консультациялық көмек ұдайы көрсетіліп, түсіндірме жұмыстары тұрақты түрде жүргізіліп келеді.
Құрманғазы ауданы әкімдігі жанындағы Әдеп жөніндегі уәкіл тарапынан мемлекеттік қызмет, сыбайлас жемқорлыққа қарсы іс-қимыл салаларында заңнамаларының және Әдеп кодексінің талаптарын сақтау мәселелері бойынша Атырау облыстық Мемлекеттік қызмет департаментімен бірлесіп құқықтық оқыту семинары өткізіліп, мемлекеттік қызметшілерге консультативтік көмек көрсетілді.
Түсіндірме жұмыстары мемлекеттік қызмет саласына енгізілген өзгерістерді, сыбайлас жемқорлыққа қарсы жүргізілген іс-қимыл әрекеттерін және мемлекеттік қызмет туралы заңнамасын қолдану тәжірибесіне талдау нәтижелерін қамтыған.
Сонымен қатар, аудан әкімдігінде мемлекеттік сатып алу, мемлекеттік қызмет, сыбайлас жемқорлыққа қарсы іс қимыл заңнамалары талаптарын түсіндіру мақсатында, мемлекеттік қызметшілерге арналған құқықтық оқытулар тұрақты түрде өткізіліп келеді.
Бұдан бөлек, аудан аумағында сыбайлас жемқорлық құқық бұзушылықты алдын алу мақсатында ауданға қарасты әр ауылда (барлығы 19 ауылдық округ) тақырыптық 19 билбордтан және барлық округ әкімдігіне қарасты мемлекеттік қызмет көрсетілетін мекемелерге «1424» сенім телефоны орнатылды және аудан әкімдігінің ресми әлеуметтік желілеріне бейнероликтер жарияланды.
Сонымен бірге, аудандық қоғамдық-саяси «Серпер» газетінде арнайы тақырыптық айдар ашылып, жемқорлықтың алдын алу тақырыптарында мақалалар үздіксіз жарияланып тұрады.
Жоғарыда баяндалғандарды қорыта келе, Құрманғазы ауданы әкімдігінің басым бағыттарының бірі ретінде сыбайлас жемқорлықпен күрес, оның алдын алу және болдырмау мақсатында қолданыстағы заңдылықтарға сәйкес қажетті шаралар қабылданып келеді.
Қоғам дертімен күреске байланысты профилактикалық іс-шаралар мен олардың орындалуы аудан әкімдігінің тұрақты бақылауында дегім келеді.
Абат Сайфоллаұлы Жанғалиев,
Құрманғазы ауданы әкімі
