Құрманғазы ауданында 20 қаңтар күні шайбалы хоккейден аудандық турнир өткелi отыр.
Ресми дода алдында оған қатысатын кейбір командалар шеберліктерiн шыңдай түсу мақсатымен өзара жолдастық кездесу өткізді.
16 қаңтар күні Жапырақ елді мекенiндегi көк мұз үстіндегi турнир "Ардагерлер" және "РТС" командалары арасындағы ойынмен басталды. Ойын қорытындысы 4:2 eceбiмен "РТС" командасының пайдасына шешілді. Келесі кезекте "Жастар" мен "Ардагерлер" командасы мұз айдынында бақ сынады. Бұл ойын 2:1 көрсеткiшiмен бірiншiciнiң жеңiciмен аяқталды.
Одан кейін "Жастар" командасы қарсыластары "РТС" командасын да 5:3 есебімен ұтып көш бастады. Қатысушы командалардың барлығы да жақсы ойын көрсеткенiмен, әр сайыста жүзден жүйрік шығатындар болады.
Бiрнеше сағатқа созылған жарыста I орын "Жастар" командасына бұйырды.
Екінші орын РТС командасына тиді.
Үшінші орын "Ардагерлер" командасына бұйырды.
Енді аталған командалар басқа да қатысушылармен бірге 20 қаңтарда өтетін аудандық турнирде өз шеберліктерін көрсетеді.
Қанат ҒҰМАРОВ