Аудандық ауыл шаруашылығы және жер қатынастары бөлімі ұжымы кеше ғана аудан әкімінің өкімімен аудандық құрылыс, сәулет және қала құрылысы бөліміне басшы болып тағайындалған бұрынғы әріптестері Марат Хасановты жаңа жұмысына сәттілік тілеп, шығарып салды.

Ұжымның басшысы Асқар Мұфтах Марат Ізмұханұлының жер қатынастары бөлімінде қарапайым геодезистен бастап, қызмет баспалдағымен басшылық лауазымға дейін көтерілген еңбек жолына тоқталды. Оны өз мамандығының кәсіби шебері, арлы жолдан айнымаған мемлекеттік қызметші, жақсы адами қасиеттерді бойына жиған азамат ретінде аса бағалайтынын жеткізіп, ұжым атынан дайындалған тілек хатын табыстады. Құрмет иесі де он жылға жуық жақсы қарым-қатынаста жұмыстас болғандары үшін ұжымға үлкен ризашылығын білдірді.

А.НӘЖІМОВ