ҚР Президенті жанындағы Қазақстанның стратегиялық зерттеулер институты жүргізген әлеуметтік сауалнама нәтижелері Мемлекет басшысы Қасым-Жомарт Тоқаевтың саяси бағытына ел азаматтарының сенімі мен қолдауының жоғары деңгейде екенін көрсетті.
Зерттеу қорытындылары бойынша, респонденттердің 82,4%-ы Президентке сенім білдірген. Бұл көрсеткіш Қазақстан халқының түрлі жас және әлеуметтік топтары арасында бірдей деңгейде сақталып отыр. Әсіресе жастардың белсенді қолдауы, сондай-ақ ауыл мен қала тұрғындарының ұқсас көзқарасы ел бірлігінің нығайып келе жатқанын дәлелдейді.
Президент бастамаларына деген сенімнің тұрақты болуы мемлекеттік саясаттың тиімді жүзеге асырылып отырғанының айғағы. Бұл өз кезегінде елдің тұрақты дамуы мен әлеуметтік-экономикалық өркендеуіне берік негіз қалайды.
Замзагүл Карсакова, облыстық мәслихат депутаты
