Атырау қаласында 2008-2009 және 2010-2011 жылы туған жасөспірімдер арасында кикбоксингтен облыстық ашық біріншілік өтті.

Аталмыш шараға Бөкейхан ауылдық балалар-жасөспірімдер спорт мектебінен 7 кикбоксшы қатысты. Сайыс қорытындысында 27 кг салмақта Сұлтанғалиев Бексұлтан 1-ші орын иеленсе, 51 және 42 кг салмақта Мәдібек Нұрсұлтан мен Серік Қанат жарыс тұғырының 3-ші сатысынан көрінді.

Айта кетейік, жас спортшылардың жаттықтырушысы Нұрлыбек Сәрсенғалиев те сайыстың үздік төрешісі атанды. Аудан абыройын асқақтатқан жасөспірімдерге, алға қарай да биік белестерді бағындыра беруін тілейміз. Жеңісті күндеріңіз көп болсын!

Қуаныш Зайыров