Мұз үстінде хоккей додасы (+ВИДЕО)

Рейтинг: 0 / 5

Сенбі күні Шора өзені үстінде хоккейден жарыс өтті. 

Оған аудан орталығынан РТС, Ганюшкин жастары, спорт ардагерлерi және Орлы ауылының командасы қатысты. Көптен бері өткiзiлiп тұрған спорттық ойынды тамашалауға өзеннің екі жағына жанкүйерлер жиналды. Әрқайсысы командаларға тiлектестiгiн қолдауларымен бiлдiрiп жатты. Күн көктемдей болып тұруы себепті мұз үстiн қызыл су басқанымен ойын қызықты, тартысты өтті. "Шешiнген судан тайынбас", дегендей командалардың бәрі жеңiс үшін бар күштерін салды. Зулай ұшқан шайбы мен мұз бетiн сызған коньки үнi жарысқа ерекше сән бергендей. "Бақ шаба ма, бап шаба ма?",деп айтқандай көрермендерi мен жанкүйерлерiне cайлау алдында көтерiңкi көңіл-күй сыйлаған дүбірлі додада РТС хоккей командасы бірінші орын алды. II орын ардагерлер командасына бұйырды. Ганюшкин жастарынан құралған команда III орыннан көрінді. Ауданымызға танымал спортшы, осындай шаралардың басы-қасында жүрген Жандос Бектемiровтi сөзге тартқанымызда:

- Спорттың, салауатты өмір салтының жастар үшін берерi мол. Сымбатты, шымыр болып өседі. Үлкендердің де денсаулығына пайдасы зор. Көптен бері мұз үстіне шығып тұрғанымыз. Барлық командалар да жақсы ойын көрсетті. Аудандық денешынықтыру және спорт бөлімінің басшысы Алмас Мұқашев алдағы аптада осындай жарыс ұйымдастырмақ. Онда кубок та берiледi,- деді.

Бiз спортшыдан көз қызықтырар арнайы киімдер мен хоккейге қажетті құралдарды қайдан алып жүргенiн сұрадық.- Оларды өзiмiз қаржы жинап Атыраудан алдыртамыз. Демеуші болатын жiгiттер де бар. Аудан тұрғындарының, жастардың спортқа деген қызығушылығы басым. Бiздiң мақсатымыз да бой сергітіп қоймай, ел ертеңін спортқа баулу ғой. Ал, арнайы киiммен шыққан олардың хоккейге деген қызығушылығын арттырады,- деді Жандос Мнафихұлы.

Айнагүл Шакупова

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика