Құрманғазы ауылының тұрғыны Нұрали Бектемировтың мұз үстінде мәнерлеп сырғанау өнері көпшіліктің таңданысын тудырды.
Ағасы Ади Бектемировтың Каспий теңізіндегі мұзда түсірген бейнежазбасы әлеуметтік желіге жүктелгені сол-ақ екен, қаралымы сәт сайын артып, түрлі сайт жүргізушілері бөлісуге асығыпты.
Мәнерлеп сырғанау шеберлігіне қарап Нұралиды көп жылдық тәжірбиесі бар кәсіби спортшы деп қалуыңыз да ғажап емес. Бүгінде ол – Абай атындағы жалпы орта мектебінінің 10 сынып оқушысы. Кейіпкеріміздің бекзат өнерге қызығушылығы осыдан 3-4 жыл бұрын пайда болып, қабілетін шыңдап келе жатқан жайы бар. Ендеше, біз де талабы таудай талантты жастың тағдыр жолында табаны тайғанамауын тілейміз!
Еркеназ Қалижан