Бұл бағытта биыл Құрманғазы ауылының жылу құбырына жөндеу жүргізілді. Сондай-ақ, Сафон ауылдық округіне жылу қазандығы сатып алынды.
«Бұдан бөлек, 19 ауылдық округке бензин-генератор алынды. Оның бәрі апатты жағдайда және жарық сөнген жағдайда қолданылады. Сол сияқты, 13 мекеменің жылыту нысанында су сорғысы ауыстырылды. Сонымен қатар, аурухана, мектеп, балабақша және қосымша білім беру ұйымдарының жылу жүйелері толық тексерістен өтті, - дейді аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің сектор меңгерушісі Руслан Сиражев.
Анықтама үшін айта кетейік, облыстық бюджеттен жеті мектеп, бес балабақша, бір қосымша білім беру ұйымына тиісті қаржы бөлінген болатын. Оған ток генераторы, 10 жылу қазандығы мен 14 су сорғысы сатып алынды.
Әділет ҚАНАТҰЛЫ
