С.Көшекбаев атындағы аудандық мәдениет үйінде кітапханашылар күніне орай «Кітапханашы – мәртебелі мамандық» тақырыбында салтанатты жиын өтті.
Алдымен аудан әкімінің орынбасары Амангелді Мұратов құттықтап, ауданның Құрмет грамотасымен сала ардагерлері Талшын Мырзабекова, Қарлығаш Мусағалиева, әдістемелік бөлім меңгерушісі Гүлнар Нұрғалиева, библиография бөлімінің меңгерушісі Арман Серікбаевты марапаттады.
Аудан әкімінің алғыс хатын бірқатар үздік кітапханашыларға табыстады.
Келесі кезекте аудандық мәслихат төрағасы Гүлжанат Қалиева өкілді органның алғыс хатын сала ардагерлері мен жемісті еңбек етіп жүрген қызметкерлерге тапсырды.
Салтанатты жиын С.Көшекбаев атындағы мәдениет үйі дайындаған концерттік бағдарламаға ұласты.
Айнагүл Күнұзаққызы
