«Бақытты бала - бақытты ел» атты республикалық акциясы аясында «Ақмарал» бөбекжай балабақшасында «Бақытты шақ - балалық» тақырыбында іс-шара ұйымдастырылды. Шара барысында ертеңгіліктер, спорттық сайыстар, бақытты, көп балалы отбасылар туралы бейнероликтер дайындалып өткізілді.
«Қуантсаң, баланы қуант» демекші, ауылдың жеке кәсіпкерлері: «ИП Құрманбаев» және Ж.Мырзағалиев демеушілік етіп, балаларды сыйлықтармен мәз-мейрам етті. Оған қоса балабақша атынан «Мейірімділік - балаларға» атты сыйлық акциясы оздырылып, әлеуметтік осал топ отбасы балаларына қажетті көмек көрсетілді. Балабақша меңгерушісі Б.Утегулова шараға қатысқан ата-аналар мен бүлдіршіндерге мерекелік құттықтау хатын жолдап, жүрекжарды лебізін білдірді.
Г.Абулхайрова,
«Ақмарал» бөбекжай балабақшасының тәрбиешісі