40% натрий және 60% хлордан тұратын ас тұзы ретінде белгілі натрий хлориді, ежелден тамақта шіріткіш бактериялардың өмір сүруіне қолайлы жағдайлар туындырмауда және оның дәмін келтіруде пайдаланылады.
Сонымен қатар, оның негізгі құраушысы – натрий ағзада суды ұстап, ішкі және жасушааралық сұйықтықтар арасындағы дұрыс тепе – теңдігін сақтайды. Алайда, қан ағымында оның мөлшерінің жоғары болуы қан қысымының артуына алып келеді және де ескере кететін жағдай, тұз кез – келген тамақ құрамында болады.
Алайда, өндірушілер көп жағдайда қолданылған тұз мөлшерін көрсетпейді. Сондықтан күніне қанша көлемде тұз қолданатынымыз белгісіз. Соған орай, күнделікті тұрмыста пайдаланылатын май құрамындағы натрий хлориді мөлшері(https://www.kaznu.kz) зерттелді.
Жүргізілген титрлеу жұмыстары нәтижесінде натрий хлориді май құрамында мемлекеттік стандартта (1,5 % төмен болуы шарт) көрсетілген мөлшерде екендігі анықталды.
«Ауырып ем іздегенше, ауырмайтын жол ізде» демекші, ішетін асыңыздың құрамын қадағалауды да ұмытпаңыз!!!
Б.С.Бәкірова,
физикалық химия, катализ және мұнайхимия кафедрасының аға оқытушысы