Қоғамдық тәртіпті, жол қауіпсіздігін қамтамасыз ету және жол-көлік оқиғаларының алдын алу мақсатында аудандық төтенше жағдайлар бөлімі және Құрманғазы аудандық азаматтық орталығының маманы Б. Жумалиевамен біріккен түрде, аудан көлемінде «Қауіпсіз жол» жедел профилактикалық кең ауқымды шарасы өткізілді.
Жол қозғалысы ережелерін бұзғаны үшін жазалау шаралары жыл сайын күшейіп келеді, алайда әлі күнге дейін жолдарда немқұрайлылық танытатын және жол қозғалысының басқа қатысушылары үшін жауапкершілікті сезінбейтін азаматтар санаты бар. Бұл жауапкершілікті сезінбеу кейде қайғылы оқиғамен, өкінішпен аяқталуы мүмкін. Сондықтан да көлік жүргізушілерін, сондай-ақ жаяу жүргіншілерін жолдарда құқық бұзушылыққа жол бермеуге шақырамыз. Бір-бірімізге құрметпен қарау біздің қауіпсіздігіміздің кепілі бола алады.
