Аудандық комиссия «үздік» атанды

Рейтинг: 0 / 5

Кәмелетке толмағандардың істері және олардың құқықтарын қорғау жөніндегі облыстық комиссияның отырысы селекторлық режимде өтті.

Оны комиссия төрағасының орынбасары, облыстық білім басқармасы басшысының міндетін атқарушы Жансұлу Төремұратова жүргізіп, күн тәртібімен таныстырды. «Жоспарға сай кәмелетке толмағандардың құқықтарын қорғау жөніндегі аудандық комиссиялардың жұмысы туралы Жылой ауданы әкімдігінің хабарламасы тыңдалды. Облыстық комиссия мүшесі Г.Сәдуақасова құқынан шектелген және айырылған ата-аналармен қандай жұмыстар жүргізілгенін сұрап, балалардың бүгінгі тағдырына алаңдаушылық білдірді.

Комиссия төрағасы Ж.Төремұратова өзіне-өзі қол жұмсау мәселесі Жылой ауданында өзекті болып табылатынын, баланың құқын қорғау әрдайым күн тәртібінен түспейтінін ескертіп, әсіресе қауіпті топта тұрған жасөспірімдермен жұмысты қатаң қадағалауды тапсырды. Облыстық «Ең үздік кәмелетке толмағандардың құқықтарын қорғау жөніндегі комиссия» сырттай байқауының қорытындылары туралы білім беру басқармасының бөлім басшысы Алмагүл Бахқызы хабарлама жасады. Ол Атырау қаласы мен 7 ауданға қарасты аталмыш комиссия жұмысын саралап, жыл ішінде тексеріс жүргізген облыстық прокуратураның ұсыныстары мен ескертпелерін қаперледі.

Одан әрі хабарламашы хаттамалардың орындалысына, құжаттардың жинақталуы мен талапқа сай рәсімделуіне тоқталып, жалғыз ғана Құрманғазы ауданы бұл жұмысты 100 пайызға орындағанын алға тартты.

Сонымен қатар, осы жылдың қазан айында келген ҚР Президент әкімшілігімен бекітілген балалардың құқықтарын қамтамасыз ету бойынша өңірлердегі жұмыс жағдайын зерделеу сараптамалық тобының тексерісімен Құрманғазы және Исатай аудандарының комиссия қызметіне оң баға берілгендігін жеткізді.

Сырттай байқаудың қорытындысымен кәмелетке толмағандардың істері және олардың құқықтарын қорғау жөніндегі Құрманғазы аудандық комиссиясы ең жоғары ұпай жинап, үздік атанды.

Комиссия төрағасының орынбасары Жансұлу Төремұратова бұл ауданда мәжілістің әр отырысы үнемі баспасөз бетінде жарияланатыны туралы ерекшелігін атап өтіп, аудандық білім бөлімінің басшысы, комиссия төрағасының орынбасары Гүлфара Құбаеваға алғыс хат табыстады.

Одан әрі, күн тәртібіне сай кәмелетке толмағандардың құқықтарын қорғау жөніндегі комиссияның 2020 жылға арналған жұмыс жоспары бекітілді.

А.Шакупова

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика