Аудандық оқушылар үйінің базасында әлеуметтік идеяларды іріктеу, озық тәжірибелерді анықтау және тарату мақсатында ұйымдастырылған «Үздік еріктілер клубы» байқауының аудандық кезеңі онлайн-платформада өткізілген болатын.
Бұл форумға өңірге қарасты 10 мектептің оқушылары қатысты. Нәтижесінде, орыс тілінде білім беретін мектеп арасынан М.В.Ломоносов атындағы жалпы орта мектебінің аға-тәлімгерінің жетекшілік етуімен жүлделі 1-орынды «Движение Алаш» еріктілер тобы иемденіп, облыстық байқауға жолдама алған болатын. Үш сайыстан құралған ІІ-кезеңде волонтерлар қатарынан оқ бойы оза шапты. Олар «Есімхат карточкалары» конкурсында өздерін және ауданын таныстырып, «Зорлық-зомбылықсыз балалық шақ» тақырыбында әлеуметтік ролик ұсынды.
Ал, «Туған елім-мақтанышым» атты сайыстың 3-кезеңінде жерлесіміз, даңқты правитель Мақаш Бекмұхамедов туралы волонтерлік жобасын қорғап, төрешілерден үздік деген баға алды. Байқауды қорытындылай келе, Құрманғазыдан шыққан ломоносовтықтар облыстан І-орын алып, ауданымыздың атын асқақтатты. Қанжығалы қайтқан оқушыларымызды жеңісімен құттықтап, шабыттарының шыңдала беруіне тілектеспіз.
Шырақбаева Назерке Шырақбайқызы,
М. В. Ломоносов атындағы жалпы орта
мектебінің аға-тәлімгері