Құрманғазы аграрлы-техникалық колледжінде жоспарға сәйкесті Ауған Демократиялық Республикасының территориясынан Кеңес әскерінің шектеулі контингентінің шығарылғанына – 35 жыл толуына орай жастардың бойына отансүйгіштік, батылдық, адамгершілік қасиеттерін ұялатып, Ауған соғысы ардагерлеріне деген құрмет қалыптастыру мақсатында «Алау» әскери-патриоттық онкүндігінің ашылуына салтанатты жиын өткізілді.
Жиында колледж директоры студенттерге «Алау» онкүндігінің мақсаты мен маңызын түсіндіріп, студенттерді патриотизмге, адалдық пен толеранттылыққа шақырды.
ҚР Гимнімен басталған жиын студенттердің патриоттық әндеріне ұласты.
