Атырау облыстық дарынды балаларға арналған ұлттық гимназиясына ҚР Премьер-Министрінің орынбасары Бердібек Сапарбаев, Білім және ғылым министрі Асхат Аймағамбетов және облыс әкімі Нұрлан Ноғааев іс-сапармен келді.
Ұлттық гимназия директоры Нұрлыбек Ғилажұлы гимназия тарихымен шолу жасап, гимназия қабырғасынан шыққан ҰБТ-дан үздік нәтиже көрсеткен оқушылармен, «Үздік педагог» атанған ұстаздармен таныстырып өтті. Заманауи технологиялармен соңғы үлгіде жабдықталған химия кабинетінде пән мұғалімдері зертханалық жұмыстар ұсынып, кабинеттің мүмкіндігін көрсетті.
Гимназия акт залында білім беру ұйымдарының қызметкерлерімен, ұстаздармен жиналыс өткізді.
