Карантиннен кейін пойызда кімдер тегін жүретіні белгілі болды

(0 Votes)

1935 жылдың 31 желтоқсанына дейін туған Ұлы Отан соғысының ардагерлері мен тыл еңбеккерлері пойызбен тегін жол жүру құқығын алады.

Samruk-Kazyna Trust қорының хабарлауынша, ардагерлер карантиндік режим жойылғаннан кейін акцияны пайдалана алады.

«2020 жылғы акция аясында Ұлы Отан соғысының қатысушылары мен тыл еңбеккерлерін және 1935 жылдың 31 желтоқсанына дейін туылған ардагерлерді Қазақстан мен ТМД елдері бойынша тегін теміржол қатынасымен қамтамасыз ету жалғасады» делінген баспасөз хабарламасында.

Билетті алу үшін теміржол кассаларына жеке басын куәландыратын құжаттың түпнұсқасы немесе Ұлы Отан соғысының қатысушысы не болмаса мүгедектік куәлігі, ал тыл еңбеккерлері – арнайы мемлекеттік жәрдемақы тағайындау туралы жазбасы бар зейнетақы куәлігімен баруы керек.

Бүгінгі таңда «Жеңіс» әлеуметтік және қайырымдылық жобасы аясында Қазақстанның 35 қаласында тұратын Ұлы Отан соғысының 640 ардагері мен тыл еңбеккері қажетті тауарлар түрінде көмек алды.

Әсіресе, жалғыз тұратын немесе денсаулығы мен әлеуметтік мәртебесіне байланысты көмекке мұқтаж адамдарға ерекше назар аударылды.

Айта кетейік, карантин жағдайында барлық сақтық шаралары сақталды. Көмекке жұмылдырылған 200-ге жуық ерікті байланыссыз жеткізуде қашықтықты сақтап, медициналық маскалар мен қолғаптарды пайдаланды. «Жеңіс» жобасының бес жылында еріктілер қарт адамдарға 10 мыңнан астам рейд жүргізіп, үй шаруаларына көмектесті.

aikyn.kz

ФОТОГАЛЕРЕЯ

ЖАҚСЫ КІТАП - ЖАН АЗЫҒЫ

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.

 

Әлеуметтік желілеріміз

  ZERO.kz Яндекс.Метрика