Президент Жолдауында инфрақұрылымды жаңғырту мен экспортты күшейту – ұлттық экономиканың негізгі бағыты екені ерекше атап өтілді.
Инфрақұрылым сапалы болса, өнім өндірістен нарыққа дейін тез жетеді, ал жасанды интеллект осы процестерді бірнеше есе тиімді етеді. AI көлік ағындарын талдап, ең жылдам бағыттарды автоматты есептейді, қоймадағы тауар айналымын реттейді, кеден рәсімдерін қысқартады. Бұл экспорт көлемінің өсіп, тауардың уақытында жеткізілуіне мүмкіндік береді.
Инфрақұрылым нысандарының (жол, көпір, инженерлік желілер) техникалық жағдайын AI арқылы бақылау – жөндеу жұмыстарын алдын ала жоспарлап, апат қаупін азайтады. Нарықтағы сұранысты болжау да жасанды интеллекттің көмегімен дәлірек жүргізіледі, кәсіпорындар артық шығынсыз нақты жоспар жасай алады.
Президент айтқандай, заманауи инфрақұрылым мен жасанды интеллекттің үйлесуі – Қазақстанның экспорттық әлеуетін арттырып, экономиканы жаңа деңгейге жеткізетін шешуші фактор.
Ержан Рысқалиев,
Еңбек ардагері, “Құрметті жолшы” атағының иегері
