Whatsapp әлеуметтік желісінде қызу түсіруге, вирусқа қарсы дәрілер арнайы тапсырма бойынша дәріханалардан алынып жатыр деген ақпарат жалған, - деп хабарлайды ATPress.kz
-Қазіргі уақытта аталған дәрілерді сатылымнан алып тастау немесе жою туралы «жоғары жақтан» ешқандай тапсырма келген жоқ. Әлеуметтік желіде жүрген ақпарат жалған. Керісінше, өңірлерде коронавирус инфекциясының күн санап көбеюіне байланысты індеттің алдын алу шараларын қатаңдату барысында дәрілік қорды қайта қарау, толықтыру жұмыстары жүргізілуде, - деді облыстық денсаулық сақтау басқармасының медициналық көмекті ұйымдастыру және лицензиялау бөлімінің басшысы Нина Оспанова.
Айта кетейік, амбулаториялық жағдайда ем қабылдауға арналған 189 мыңға жуық вирусқа қарсы дәрі болса, инфекциялық стационарларда 1 миллионға жуық дәрілік зат бар.
