Қазақстан Республикасы сыбайлас жемқорлыққа қарсы іс-қимыл агенттігінің төрағасына ТШО болашақ жобалары таныстырылды

Рейтинг: 0 / 5

 ҚР сыбайлас жемқорлыққа қарсы іс-қимыл агенттігінің төрағасы Алик Шпекбаев Атырау облысына жұмыс сапары барысында облыс әкімі Махамбет Досмұхамбетовпен бірге Теңіз кен орнына барып, «Теңізшевройл» ЖШС болашақтағы жобаларымен танысты, - деп хабарлайды Атырау облысының Өңірлік коммуникациялар қызметі.

Мұнай-газ кешенін биіктіктен қараған Алик Шпекбаев пен Махамбет Досмұхамбетов Теңіз кен орнында болашақ кеңейту жобасының құрылысымен танысты.

«Тенгизшевройл» ЖШС болашақ кеңейту және сағалық қысымды басқару жобаларының директоры Мик Крэйли жұмыстың жоспарға сай жүріп жатқанын айтты.

БКЖ 2023 жылдың ортасында іске қосылады, ал сағалық қысымды басқару жобасы 2022 жылға жоспарланған. Болашақ кеңейту жобасы Теңізде шикі мұнай өндіру көлемі жылына 12 млн тоннаға немесе тәулігіне 260 мың баррельге артып, жылына 39 млн тоннаға жетеді.

Құрылыс нысандарын аралау барысында агенттіктің төрағасы Алик Шпекбаев пен облыс әкімі Махамбет Досмұхамбетов әлемдік деңгейдегі ірі энергетикалық жобалардың бірінің құрылысымен танысты. ТШО өкілдері құрылыс-монтаж жұмыстарының технологиялық қиындығын айтып, өндірістік қауіпсіздікке ерекше мән беріліп отырғанын атап өтті.

Сыбайлас жемқорлыққа қарсы ведомство басшысы Алик Шпекбаев компания өкілдеріне бұзушылықтар немесе сыбайлас жемқорлық тәуекелдері болған жағдайда тікелей хабарласуға болатынын атап өтті.

Өңірлік коммуникациялар қызметі

Сурет:ӨКҚ

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика