Қазақстан аумағынан тысқары 44 учаскеде әлі де дауыс беру жүріп жатыр

(0 Votes)

Дауыс беру Қазақстан аумағынан тысқары жердегі 44 учаскеде жүріп жатыр. Бұл туралы ҚР Орталық сайлау комиссиясы төрағасының орынбасары Константин Петров айтты, деп хабарлайды ҚазАқпарат тілшісі.

«Елдің ішіндегі барлық сайлау учаскесінде дауыс беру аяқталды. Дауыс беру тек Қазақстан Республикасы аумағынан тысқары жердегі 44 учаскеде жүріп жатыр. Бүкіл кезең бойы дауыс беру процесін кандидаттардың сенім білдірген өкілдері, саяси партиялардың өкілдері, қоғамдық бірлестіктер, бұқаралық ақпарат құралдары бақылады. Қорытынды статистика ертең ұсынылады», – деді Константин Петров.

Оның атап өтуінше, бүгін сайлаушылар тізіміне қосылмаған және тіркеуі жоқ азаматтарға да дауыс беру мүмкіндігі ұсынылды. Нәтижесінде 2 260 сайлаушы сондай мүмкіндікке ие болды. «Ертең күннің бірінші жартысында дауыс берудің алғашқы қорытындысына арналған брифинг жоспарланып отыр», – деді ол.

Бүгін елімізде кезектен тыс президент сайлауы өтті. Барлық өңірде 10 033 учаске жұмыс істеді. Сонымен қатар шет мемлекеттердегі Қазақстан өкілдіктері жанындан ашылған 68 учаскенің 24-і қазіргі уақытта жұмысын аяқтады.

Қалғандарына Қазақстан азаматтарының дауыс беру жалғасып жатыр. Сағат 22.00-дегі жағдай бойынша республиканың 8 299 501 азаматы бюллетень алды. Ол – тізімге енгізілген азаматтардың 69,43 пайызы.

 https://atr.kz

Соңғы жаңалықтар

Республика күні

25qazan-respublika

Фотогалерея

Сауалнама

Вакцинаға көзқарасыңыз қандай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика