"Атыраулық полицейлер облыс орталығында болған жаппай тәртіпсіздік кезінде әскерилер мен полиция қызметкерлеріне күш қолданып, қорғаныс құралдарын заңсыз иемденген бұзақыларды қолға түсіруде" деп хабарлайды Атырау облысының өңірлік коммуникациялар қызметі.
Олардың бірі бұрын заңсыз әсері жоғары психотропты дәрілерді сатып алғаны үшін жауапқа тартылған 1997 жылы туылған қала тұрғыны. Оның үйін тінту кезінде әскерилердің оқ өткізбейтін 3 дана бронды жилеттері тәркіленді.
"Ал, жаппай тәртіпсіздікке қатысты ұсталған 1991 жылғы күдіктінің үйінен атыс қаруы тәркіленді. Қазір тергеу амалдары жүргізілуде. Тергеу амалының құпиялығына байланысты, өзге ақпарат жариялануға жатпайды" делінген Атырау облысы полиция департаменті таратқан мәліметте.
