Шара аясында тілдерді дамытуға үлес қосып жүрген сала мамандары мен оқушылар алғыс хаттармен марапатталды – деп, хабарлайды  Атырау облысы өңірлік коммуникациялар қызметі.

Облыс әкімінің орынбасары Бақытгүл Хаменова  барша қазақстандықтарды біріктірудің басты факторы  қазақ тілін дамыту  үшін барлық күш жігерді  жұмсау керектігін айтты.

"Елімізде тұратын барлық ұлт өкілдері ана тілдерінде еркін сөйлеп, оқи алуына, оны дамытуға қолайлы жағдай тудыру қажет» деді ол.

Шарада тілдердің дамуына үлес қосып жүргенжас мамандарҚР «Білім және Ғылым министрлігі»  және   «Тіл саясаты» комитетінің «Құрмет грамотасымен» марапатталды.

Олардың қатарында Х.Досмұхамедов атындағы Атырау университетінің халықаралық бөлімінің басшысы, филолог  Қарлығаш Әшірханова,

филология ғылымдарының кандидаты Жомарт Мұхамбетов, Атырау облысының тілдерді дамыту басқармасының  тіл саясаты талдау және мониторинг бөлімінің басшысы Айгүл  Қуаныш,Қызылқоға аудандық мәдениет, тілдерді дамыту  дене шынықтыру және спорт  бөлімің бас маманы Ғаухар Құрманғазиева бар.

Сонымен қатар, «Мен қазақша сөйлеймін» акциясына қатысқан бір топ өзге ұлт өкілдеріне облыстық тілдерді дамыту бөлімінің алғыс хаттары табысталды.