Бұл 453 кәсіпкердің​ жобасы үшін берілген несие сомасы. «Бұл туралы Атырау облысының әкімі Махамбет Досмұхамбетов өткен жылы атқарылған жұмыстардың есебін беру кезінде айтты» деп хабарлайды Атырау облыстық коммуникациялар қызметі.

«Бизнестің жол картасы - 2025» бағдарламасы шеңберінде 453 кәсіпкердің жобасы 28 млрд. 600 млн. теңгеге несиеленді. Сол арқылы 670 жаңа жұмыс орны ашылады» деп атап өтті аймақ басшысы Махамбет Досмұхамбетов.

Атап өту керек, пандемия ушыққан кезде​ 22 мыңнан астам шағын және орта бизнес субъектілеріне салықтық жеңілдіктер берілді. ​ 5 мыңға жуық кәсіпкерлік субъектісі көмек алды.

Еске сала кетелік, Атырау облысының әкімі Махамбет Досмұхамбетов онлайн форматта есеп беруде. Әкім есебі «Каспиан ньюс», «Атырау» каналдарында тікелей эфирде, atyrau.gov.kz сайты және әкімдіктің әлеуметтік желілеріндегі ресми парақшаларында көрсетілуде.