«Хан ордалы Сарайшық жерінде жасақталған тарихи көрмені отандық және шетелдік ғалымдарға Атырау облысының әкімі Махамбет Досмұхамбетов таныстырды» деп хабарлайды Атырау облысының өңірлік коммуникациялар қызметі.
Сарайшық төсіндегі көрмеге Аралтөбе және Миялы қорғанынан табылған алтын сауытты батырлар, көне жәдігерлер, бес қару, 90-ға тарта домбыралар коллекциясы қойылды. Сарайшықта өткен көрме барысында келушілер назарына барлығы 315 экспонат ұсынылды.
Еске сала кетелік, Қазақстан Тәуелсіздігінің 30 жылдығына орай Атырауда өткен "Ұлық Ұлыс - Алтын Орда" халықаралық ғылыми - практикалық конференциясына 30-дан астам отандық және 10-нан астам шетелдік ғалымдар қатысты.
