Бұл туралы Атырау облыстық білім беру басқармасы хабарлады.
Бұған дейін «Қазақстан темір жолы» ҰК баспасөз қызметі «Атырау-Астрахань» бағытында лагерьге бара жатқан бала пойызда қайтыс болғаны жөнінде хабарлаған болатын. «Атырау облыстық білім беру басқармасы құзырлы органдармен бірлесіп, қайғылы оқиғаның барлық мән-жайын тексеру үшін комиссия құрды.
Пойызда жолаушылар өз тамағын тұтынғанын. Қазіргі уақытта баланың денесі сот-медициналық сараптамаға жіберіліп, қылмыстық іс қозғалды. Білім беру басқармасы тарапынан қайтыс болған баланың отбасына барлық көмек көрсетіледі», – деді Атырау облыстық білім беру басқармасы.
Айта кетейік, 77 адамнан тұратын топ (4 тәлімгер, 73 бала) «Атырау-Астрахань» теміржол бағыты бойынша «Қазақстан геологы» санаторийіне (Железноводск) жіберілді. Жолға шыққаннан 1,5 сағаттан кейін балалардың біреуі өзін нашар сезініп, жедел жәрдем шақырылды. «Нарын» станциясына келген жедел жәрдем баланың қайтыс болғанын анықтады.
