Сараланған салықтың тиімділігі

(0 Votes)

«Ақ жол» партиясы республикалық штабының мүшелері Алматы қаласының еңбек ұжымдарымен кездесті. Партия төрағасы Азат Перуашев, партия төрағасының орынбасары Қазыбек Иса және Мәжіліс пен жергілікті мәслихатқа үміткерлер тұрғындарды алаңдатқан мәселе жайлы әңгіме өрбітті.Тамақтану саласындағы ірі бірлестік болып табылатын «Евразиян фудс» өндірістік холдингінде үш зауыт пен мыңдаған қызметкер жұмыс істейді.

Ком­пания бюджет салығына төлемдерді әрдайым ұлғай­тып келеді. Бес жыл бұрын 10 млрд теңге төлесе, былтыр салық төлемі 20 млрд теңгеге ұлғайған.

– Біздің мақсатымыз – нарықтық ұстанымдар­ды, әділ бәсекелестік пен отандық өндіруші­лер­ді қолдайтын «Ақ жол» партиясының парламент­тегі жұмысы туралы айту. Бір жағынан еңбек ұжымдарының ескертпелері мен өтініштерін тыңдаудамыз, экономикалық мәселелерден бөлек, әлеуметтік әділеттілік, жемқорлыққа қарсы күрес, саяси реформалар жөнінде сұрақтар түсіп жатыр. Бұл біз үшін өте маңызды, себебі, «Ақ жол» партиясына сенім артатын жандармен ұдайы байланыста болуымыз керек, – деді Азат Перуашев. Партия лидері саяси бағдарламаның басым бағыттарын атап, жиналған қауымның сауалдарына жауап берді. Әсіресе, «Ақ жол» партиясының еркін экономикаға көшу туралы ұсыныстарына ерекше тоқталды.

– Елімізде тек 5 банктің өзі ғана барлық банк секторының 65% бақылауында ұстап отыр. Соны­мен қоса, өздеріне бүкіл бизнес пен барлық азамат төлем жасаса да, банктер ҚҚС-тан босатылған. Біз сара­ланған салық мөлшерлемесін енгізуді ұсын­ған кезде бізге бұның әділ бәсекелестік ұстаным­дарын бұзу екендігін айтып жауап беретін. Кіммен кімді бәсекелестірмек? Бұл – бәсекелестік емес, тонаушылық. Біз 30-дан астам депутаттық сауал жолдап, сонша рет Салық кодексіне түзету енгіз­дік. Президент Қ.Тоқаев өткен жолдауларының бірін­де ғана сараланған салық мөлшерлемелерін енгізу­ді тапсырған болатын. Біз Еуроодақтағыдай азық-түлік өндірушілері мен өзге де басым салалар салықты аз, ал банктер мен шикізат олигархтары көбірек төлеуі үшін әрі қарай да күресеміз, – деді А.Перуашев.

Бұдан бөлек, «Ақ жол» үгіт-насихат тобы Алматы электромеханикалық зауытының ұжымы­мен де кездесті.

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521