Бүгінде әлемдік даму үрдісінде жасанды интеллект шешуші рөл атқара бастады. Қоғамдағы көптеген үдерістер — басқару, білім беру, медицина, экономика салалары дерекке негізделген жаңа форматқа көшіп отыр.
Бұл өзгерістер шешім қабылдау мәдениетінің де эволюциясына жол ашты. Яғни, адам интуициясына ғана сүйенген кезеңнің орнын нақты талдау мен цифрлық есеп басып келеді. Президенттің стратегиялық бастамаларында да цифрландыру мен инновацияны дамыту басты басымдық ретінде айқындалған. Жасанды интеллект арқылы мәліметтерді жылдам өңдеу, тәуекелдерді алдын ала болжау және тиімді шешім қабылдау мүмкіндігі артып отыр. Бұл өз кезегінде мемлекеттік басқарудың ашықтығы мен сапасын жақсартуға ықпал етеді. Сонымен қатар, жасанды интеллект адамды алмастыру емес, керісінше оның ойлау қабілетін толықтыратын құрал болуы тиіс. Шешім қабылдауда технология мен адами жауапкершілік қатар жүруі маңызды. Себебі саналы қолданылған цифрлық мүмкіндіктер ғана қоғамның тұрақты дамуына негіз бола алады.
Ақбота Жалғауова
