Мемлекет басшысы Қызылордада өтіп жатқан Ұлттық құрылтайдың V отырысында көк Туымызға қатысты айтқан пікірі әрбір жасқа ерекше рух береді. Студент ретінде еліміздің Туы спорттық жарыстарда, халықаралық іс-шараларда желбіреген сәттерді көргенде бойымызды мақтаныш сезімі кернейді.
Бұл – тек символ емес, тәуелсіздігіміздің, бірлігіміз бен болашаққа деген сеніміміздің белгісі. Жастардың көк Туды құрметтеп, оны биікке көтеруі – елге деген сүйіспеншіліктің айқын көрінісі.
Біз, студент жастар, білім алып қана қоймай, еліміздің абыройын асқақтатуға, бірлігі бекем мемлекет құруға өз үлесімізді қосуға дайынбыз.
Бекзат БЕКЕЖАНҰЛЫ,
студент
