Атырау облысы бойынша тексеру комиссиясы Исатай ауданындағы мектепке дейінгі білім беру ұйымдарына мемлекеттік аудит жүргізді. Бұл туралы Тексеру комиссиясының мүшесі Нұрсұлтан Бисембиев Өңірлік коммуникациялар қызметінде өткен брифингте хабарлады.

— Жалпы 12 бөбекжай-бақша қамтылып, 4 млрд теңгеден астам қаржыға аудит жүргізілді. Нәтижесінде 130 млн-ға жуық теңге көлеміндегі қаржыбұзушылықтар мен рәсімдік сипаттағы 116 кемшілік анықталды. Артық төленген еңбекақы, негізсіз іссапар шығындары мен орындалмаған қызметтерге бюджет қаражаты жұмсалған фактілер тіркелді, — деді Н.Бисембиев.

Оның айтуынша, бірқатар бөбекжай-бақшада штаттық кестеде артық бірліктер енгізілген, міндетті әлеуметтік сақтандыру және зейнетақы жарналары кешіктірілген. Кей жағдайларда бухгалтерлер өздерінің жақын туыстарымен мемлекеттік сатып алу келісімшарттарын рәсімдеген.

Сонымен қатар материалдық-техникалық жабдықталу толық қамтамасыз етілмей, медициналық үй-жайларды жабдықтау талаптары да сақталмаған болып шықты. Мемлекеттік сатып алуда жосықсыз өнім берушілерге қатысты сотқа талап арыздар берілмеген жағдайлар да кездескен. 

Аудит қорытындысымен берілген материалдар Ішкі мемлекеттік аудит департаментіне және Мемлекеттік кірістер басқармасына жолданды. Нәтижесінде бөбекжай-бақша басшылары мен бухгалтерлеріне қатысты әкімшілік істер қозғалып, жалпы сомасы 6,9 млн теңге айыппұл өндірілген.

Спикердің айтуынша, алдағы уақытта мектепке дейінгі білім беру саласында қаржылық бақылауды күшейту, материалдық-техникалық базаны нығайту және кадр саясатын жетілдіру бағытында нақты шаралар қабылданбақ.

Атырау облысы полиция департаментінің бастығы, полиция генерал-майоры Нұрхат Оразбаев 1 қыркүйек – Білім күніне орай №40 мектеп-гимназиясында өткен «Алғашқы қоңырау» салтанатты шарасына қатысты. Іс-шара барысында департамент басшысы жаңа оқу жылының басталуымен ұстаздар мен оқушыларды құттықтап, әсіресе мектеп табалдырығын алғаш аттаған бірінші сынып оқушыларына ізгі тілегін жеткізді.

Атырау қаласындағы еріктілер «Мектепке жол» акциясына қолдау көрсетті,-деп хабарлайды Өңірлік коммуникациялар қызметі.

UTEBAYEV UNIVERSITY еліміздің мұнай-газ саласындағы жетекші ғылыми-зерттеу орталықтарының бірі ретінде тағы бір маңызды қадам жасады. Енді университет PhD дәрежесін беретін білім ордаларының қатарына қосылды.

Атырауда экология және тұрақты даму саласындағы үздік зерттеу мен білім беру тәжірибелерін таныстыру мақсатында ашылған “Әл-Фараби экоуниверситет” жазғы мектебінің жұмысы 20 тамызға дейін жалғасады.

Арсен Аманжолов пен Бекарыс Ерікұлы — Атырау қаласы мен Жылыой ауданында жүзеге асырылып жатқан «JasUp Академиясы» IT-жобасының қатысушылары.

10-сынып оқушысы Арсен Аманжолов SICI атты құрылғыны жасап шығарды. Бұл — үйді толық басқару орталығына айнала алатын инновациялық құрылғы. Құрылғы Wi-Fi арқылы интернетке қосылып, LCD-экранда нақты уақыт пен ауа райын көрсетеді және мәліметтерді автоматты түрде жаңартып отырады. 

Қонаев атындағы «Binom» мектебінің 10-сынып оқушысы — Дария Бегалиева — «Nature Plast» атты экологиялық стартаппен айналысып жатыр. Жобаның мақсаты — күнделікті өмірде пластикалық бұйымдарды алмастыра алатын, биологиялық жолмен ыдырайтын материалдарды жасап шығару және жаппай өндіру.

Маңғыстау облысында «Келешек мектептері» ұлттық жобасы аясында жалпы саны 12 мың 600 оқушыға арналған 13 білім ұясын салу көзделіп отыр.

Өңірде «Жайлы мектеп» ұлттық жобасы аясында салынған бірінші мектеп пайдалануға берілді. Қостанай ауданының Заречный кентінде бой көтерген заманауи мектепте 900 бала мемлекеттік тілде білім алады.

Айгүл Төленғалиева – он жылын бала тәрбиесіне арнаған ана. 2021 жылы оның ерекше қажеттіліктері бар сәбиі дүниеге келді. Кұлсары қаласында қажетті жағдайлар мен мамандар болмағандықтан, Айгүл өз бетінше оқып, тәжірибе жинай бастады.

Бәрі отбасынан басталды...