Бүгін «Құрманғазы СДО» ауыл шаруашылығы өндірістік кооперативі өзінің «Серпер» базарындағы ет павильондарында өнімдерін арзан бағада ұсынып жатыр.
Бұл ертең де жалғасын табады. Атап айтсақ, сиыр етін – 1650, жылқы етін – 1750, түйе етін – 1400 теңгеден сатуда. Мәселен, кешеге дейін сиыр еті 2000 теңгемен босатылған болатын. Дүкеншілер Гүлжан мен Жамиға апалардың айтулары бойынша орталықтан жеткізілген ет өнімдері таусылуға жақындады.Тұрғындар лек-легімен келіп, келілеп алып жатты.
Халықтың сұранысын оңтайлы қамтамасыз ету мақсатында ұйымдастырылған бұл ұсыныс аудан әкімі жанынан құрылған төтенше жағдайға байланысты әлеуметтік маңызы бар азық-түлік тауарлары бағаларын өсірмеу жөніндегі штабтың тапсырмасына сәйкес жүзеге асырылып отыр.
А.Иманкулова
