banerkzbig

Атырауда халық жазушысы Хамит Ерғалиевке ескерткіш орнатылды

(0 Votes)

Тәуелсіздік күні қарсаңында Атырауда Қазақстан Республикасының халық жазушысы, Мемлекеттік сыйлықтың лауреаты, айтулы ақын Хамит Ерғалиевке ескерткіш орнатылды, - деп хабарлайды Өңірлік коммуникациялар қызметі.

Салтанатты шараны ашқан Атырау облысы әкімі Нұрлан Ноғаев ескерткіштің орналасқан жерінің өзі – Жайықтың жағасы – ерекше екенін атап өтті.

- Хамит ағамыздың өзі жырлап өткен Ақ Жайықтың бойында, өзенге көз тастаған зәулім ескерткіші бой көтерді. Соңғы күніне дейін өзінің елін, жерін жырлап, жазып, тасқа таңба басқандай етіп кетті. Бір сөзбен айтқанда, өз еліне бір адамдай еңбек етті. Міне, мына алаңға алдағы уақытта жиналатын атыраулықтар мен қала қонақтары, осы ескерткішке көз тастап, Хамит ағамыздың өлеңдерімен танысып, өз бойларындағы ұлтқа, елге, жерге деген сезімдерін нығайтады деген сенімдемін, - деді Нұрлан Ноғаев.

khamit-eraliev1

Ескерткіш авторы – мүсінші Нұрғалым Исабаевтың айтуынша, биіктігі жеті метр болатын туынды қоладан құйылған. Ақынның бар болмысын беру үшін, шебер бір жыл бойы тынымсыз еңбек еткен. Ескерткіштің ашылу салтанатына Хамит Ерғалиевтің ұл-қызы – Мұрат Ерғалиев пен Гүлжан Ерғалиева, Қазақстан Жазушылар Одағы басқарма төрағасының орынбасары Мереке Құлкенов және Атырау облысының қоғам және мәдениет қайраткерлері қатысты.

Арқалы ақын Хамит Ерғалиев 1916 жылы Исатай ауданының Новобогат ауылында туған. Қазір, бұл ауыл ақынның атымен аталады.

1940 жылдан әскер қатарында кавалерия бөлімінде эскадрон командирі болған. Ұлы Отан соғысы кезінде Будапешт маңындағы ұрыстардың бірінде ауыр жараланып, 1945 жылы елге қайтарылады. ІІ деңгейлі Ұлы Отан соғысы орденімен, екі мәрте Еңбек Қызыл ту орденімен, Құрмет белгісі мен Халықтар достығы ордендерімен және көптеген медальдармен марапатталған. Алғашқы өлеңдері 1936 жылы басылды. Отыздан астам кітаптың авторы – Хамит Ерғалиев – қазақ әдебиетінде өзіндік айқын ізін қалдырды. 1982 жылы "Алтын зерен" кітабы үшін Абай атындағы Мемлекеттік сыйлық табысталса, 1986 жылы – Қазақстанның халық жазушысы құрметті атағы берілді.

Өңірлік коммуникациялар қызметі

Сурет:ӨКҚ

Соңғы жаңалықтар

Жарнама

strakhovaniya

Фотогалерея

Бейнебаян жаңалығы

Сауалнама

Жаңа дизайн ұнадыма?

Күнтізбе

Редакция

 
Айнагүл Шакупова

Шакупова Айнагүл
- "Серпер" газетінің бас редакторы

kisimovaaru

Қанат Ғұмаров - бас редактордың орынбасары - жауапты хатшы


sharapidenovabilmazhan

Айбек Нәжімов
- 1-ші дәрежелі тілші


zairov

Зайров Қуаныш Ахылбайұлы
- Бет құрушы


dauletiarzholaman

Иманкулова Айдана Қажымұханқызы
- сайтқа жауапты редактор

Aqprint

Байланыс номерi :     +7 701 666 27 49     +7(7122) 45-85-21

banerkzbig