Қоршаған ортаның тазалығы тек арнайы мекемелердің жұмысына байланысты емес. Көшеге қоқыс тастамау, аула тазалығын сақтау, қоғамдық мүлікті бүлдірмеу секілді қарапайым әрекеттердің өзі қоғамдағы экологиялық мәдениеттің деңгейін көрсетеді. Сондықтан «Таза Қазақстан» әр азаматтың күнделікті дағдысына айналуы тиіс.
Қала мен ауылды көркейтуге бағытталған жұмыстар тұрғындардың белсенділігімен нәтижелі болмақ. Атырауда жүргізілетін тазалық және абаттандыру шараларына тұрғындар, жастар, еріктілер мен мекеме ұжымдарының атсалысуы ортақ іске деген жауапкершілікті арттырады. Алайда тазалық акция аяқталғаннан кейін де жалғасуы қажет.
Таза орта қалыптастыру үшін үлкен бастамадан бұрын қарапайым тәртіп керек. Әр адам өз ауласынан бастап тазалыққа мән берсе, оның әсері тұтас елді мекенге таралады. «Таза Қазақстан» – табиғатты қорғауға ғана емес, саналы әрі жауапты қоғам қалыптастыруға бағытталған бастама.
Мөлдір СЕРІКОВА, Атырау қаласы.
