Сыбайлас жемқорлық – қоғам дамуына кері әсерін тигізетін, мемлекеттік басқару жүйесінің тиімділігін төмендететін және азаматтардың мемлекетке деген сеніміне нұқсан келтіретін келеңсіз құбылыс. Сондықтан сыбайлас жемқорлықтың алдын алу және оған қарсы күрес жүргізу Қазақстан Республикасының мемлекеттік саясатының негізгі басым бағыттарының бірі болып табылады.
Елімізде сыбайлас жемқорлыққа қарсы іс-қимыл жүйелі түрде жүргізіліп келеді. Осы бағытта арнайы заңдар қабылданып, мемлекеттік органдардың қызметінде ашықтық пен есептілікті қамтамасыз ету шаралары қолға алынған. Мемлекеттік қызмет көрсету сапасын арттыру, мемлекеттік қызметшілердің жауапкершілігін күшейту, қоғам тарапынан бақылауды дамыту – сыбайлас жемқорлықтың алдын алудың маңызды тетіктері болып табылады.
Сыбайлас жемқорлыққа қарсы мәдениетті қалыптастыру – қоғамның әрбір мүшесінің міндеті. Бұл бағытта мемлекеттік органдар тарапынан тұрғындар арасында түсіндіру жұмыстары тұрақты жүргізіліп келеді. Азаматтарға заң талаптарын сақтау, мемлекеттік қызметтерді заңды түрде алу және кез келген заң бұзушылыққа жол бермеу жөнінде ақпараттық-түсіндіру жұмыстары ұйымдастырылады.
Ауылдық округ аумағында да сыбайлас жемқорлықтың алдын алу бағытында бірқатар жұмыстар атқарылуда. Округ әкімдігі тарапынан мемлекеттік қызметтердің ашық әрі қолжетімді көрсетілуіне ерекше назар аударылып келеді. Тұрғындардың өтініштері мен ұсыныстары заңда белгіленген мерзімдерде қаралып, тиісті шешімдер қабылдануда. Сонымен қатар, мемлекеттік қызмет көрсету барысында заңдылықтың сақталуына тұрақты бақылау жүргізіледі.
Сыбайлас жемқорлықтың алдын алу мақсатында мемлекеттік қызметшілер арасында да түсіндіру жұмыстары жүргізіліп, заң талаптарын сақтау және қызметтік әдеп нормаларын қатаң ұстану қажеттілігі үнемі ескертіледі. Бұл өз кезегінде мемлекеттік қызметтің ашықтығы мен тиімділігін арттыруға ықпал етеді.
Қоғамда адалдық, әділдік және жауапкершілік қағидаттарын қалыптастыру – сыбайлас жемқорлықпен күрестің басты негізі. Әрбір азамат заң талаптарын сақтап, қоғамдағы тәртіп пен әділдікті нығайтуға өз үлесін қосуы тиіс.
Сыбайлас жемқорлыққа қарсы күрес – тек мемлекеттік органдардың ғана емес, бүкіл қоғамның ортақ міндеті. Тек бірлескен күш-жігер арқылы ғана біз әділ, ашық әрі дамыған қоғам қалыптастыра аламыз. Сондықтан әрбір азаматты сыбайлас жемқорлыққа қарсы мәдениетті қалыптастыруға, заң талаптарын сақтауға және қоғамда адалдық қағидаттарын нығайтуға белсенді қатысуға шақырамыз.
Сыбайлас жемқорлыққа қарсы күрес – еліміздің тұрақты дамуы мен болашағы үшін маңызды міндет. Осы бағыттағы жұмыстар алдағы уақытта да өз жалғасын тауып, қоғамда заң үстемдігі мен әділдік қағидаттарын нығайтуға бағытталатын болады.
Н.Есимов,
Еңбекші ауылдық округ әкімі аппаратының бас маманы
