Атырау облысы Полиция департаменті Өзіндік қауіпсіздік басқармасының қызметкерлері жас қызметкерлермен сыбайлас жемқорлықтың алдын алу және қызметтік тәртіпті сақтау мәселелері бойынша кездесу өткізді.
Кездесу барысында заң талаптарын сақтау, қызметтік міндеттерді адал орындау, әдеп нормаларын ұстану және қызметтік өкілеттіктерді жеке мақсатта пайдалануға жол бермеу жөнінде түсіндіру жұмыстары жүргізілді.
Сонымен қатар, жас қызметкерлер Қылмыстық-атқару жүйесі департаментіне барып, мекеменің жұмысымен танысты. Сапар барысында қызметтік міндеттерді орындау тәртібі, тәртіп талаптарын бұзу және заңсыз әрекеттердің салдары түсіндірілді.
Іс-шара қызметтік тәртіпті нығайтуға және құқық бұзушылықтардың алдын алуға бағытталды.


