Мәжіліс төрағасы Ерлан Қошанов бастаған «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының мүшелері Павлодар облысында «TURGYNDAR AMANATY» өңірлік жобасының қатысушыларымен кездесті. Оның барысында «Гирка» ЖШС-ның басшысы Галина Асильбекова аталған жобаның мәні мен маңызына тоқталды.
«TURGYNDAR AMANATY» жобасының түпкі мақсаты халықты біріктіру деп ойлаймын. Адамдардың ауызбіршілігі болса, жұмысы да алға жүреді. Азаматтар жұмыстан келген кезде үйі жарық, жылы, таза болса, көңіл күйлері көтеріледі. Дәл осындай көңіл күймен жұмысын да атқарады. Сондықтан ел азаматтарына біздің қызметіміз керек деп ойлаймын», – деді Галина Асильбекова.
