Атыраулық байкерлер Жаңа Конституцияның қабылдауына байланысты референдумда таңдауын жасады. Олар Абай орталығындағы №275 референдум учаскесінде дауыс берді. Бұл учаскеде 1778 адам тіркелген. Қазір оның 42,35 % дауыс берді.
- Референдумда дауыс беру таңдау емес, міндет деп есептеймін. Жаңа Конституция қабылдау үлкен тарихи сәт, алдағы бірнеше жылдықта сол заңмен жүретін болғандықтан. Маңызды шешім, оған әрбір қазақстандық өз пікірін білдіру керек, - деді «Wheels Brothers» мотоклубының президенті Олег Шмаль.
Учаскеде жеті комиссия мүшесі мен бес бақылаушы жұмыс істеп, референдумның ашық әрі заң талаптарына сай өтуін бақылауда.
