Білім сайысында отбасылар білімін сынап, бірлігін көрсетті.
Сафи Өтебаев атындағы Атырау мұнай және газ университетінде Отбасы күніне орай «Отбасылық QUIZ» отбасылық зияткерлік байқауы өтті.
Қатысушылар түрлі сұрақтарға жауап беріп, білімдерін сынады және тапсырмаларды бірлесе орындады. Креативті орталық директоры Нұржан Өмірбайдың айтуынша, байқаудың басты мақсаты тек интеллектуалдық сайыс өткізу емес, отбасы бірлігін нығайту болды.
Оның сөзінше, жұмыс пен күнделікті тіршіліктің қарбаласынан отбасы мүшелеріне бір-бірімен сөйлесуге кейде уақыт жетіспей жатады. Осындай шаралар бірге уақыт өткізіп, өздерін біртұтас команда ретінде сезінуге мүмкіндік береді.
«Бірлік пен татулық – отбасы берекесінің негізі», – деп атап өтті Нұржан Өмірбай.
