Атырау қаласында «Таза Қазақстан» жалпыұлттық экологиялық акциясы аясында «Таза аула» сенбілігі өтті.
Шара барысында «Атырау Жарық» ЖШС қызметкерлері Азаттық даңғылы бойындағы №87–95 көпқабатты тұрғын үйлердің аулаларын тазартты. Сенбілік кезінде аумақтар қоқыстан тазаланып, абаттандыру жұмыстары жүргізілді.
Қатысушылар мұндай бастамалардың қала тазалығын сақтауда маңызы зор екенін атап өтті.
– Осындай шаралар қала тазалығын сақтауға үлкен үлес қосады. Сондықтан сенбіліктерге тұрақты қатысуға тырысамын, – деді «Атырау Жарық» ЖШС маманы Нұрғалиев Берік Төлегенұлы.
Ұйымдастырушылар алдағы уақытта да акция аясында тазалық акциялары жалғасатынын жеткізді.
Нұргүл Насыр
