«Таза Қазақстан» жалпыұлттық экологиялық акциясы аясында «Таза жағалау» акциясы ұйымдастырылып, Құрманғазы ауданына қарасты Теңіз ауылдық округінде жағалау аумағын абаттандыру және санитарлық тазалық жұмыстары жүргізілді.
Сенбілік барысында жағалау аймағы қоқыстардан мұқият тазартылып, қурап жатқан шөптер жұлынып, аумақтағы жиналған қоқыс пен шөп қалдықтары арнайы орындарға шығарылды.
Нәтижесінде жағалау аумағы тазарып, көркейіп қалды.
