Референдумның №8 сайлау учаскесінде мыңнан астам атыраулық өз дауысын бере алады.
Солардың қатарында мұнай-газ саласының ардагері Мақсым Ізбасов та бар. Ол көп жыл бойы мемлекеттік қызметте және мұнай-газ саласында еңбек етіп, өңірлік қауымдастықта сенімге және құрметке ие болды.
Әлеуметтік белсендінің пікірінше, жалпыұлттық референдумға қатысу әрбір азаматқа елдің болашағына өз үлесін қосуға мүмкіндік береді. •Конституция 1995 жылы қабылданған болатын, содан бері 31 жыл өтті. Осы жылдар ішінде елде көп өзгеріс болды.
Бүгінде мемлекетіміз дамыған 50 елдің қатарына енді, ЖІӨ өсімі 6,6%-ға жетті, орташа өмір ұзақтығы шамамен 75 жылды құрайды. Мұның бәрі дұрыс жүргізілген саясаттың нәтижесі, – деді М.Ізбасов.
