Әлеуметтік желілер мен мессенджерлер арқылы түрлі ақпарат өте жылдам таралады. Алайда олардың барлығы бірдей шынайы бола бермейді. Тексерілмеген мәліметті тарату қоғамда түсінбеушілік пен негізсіз алаңдаушылық тудыруы мүмкін.
Мамандар қандай да бір ақпаратты бөліспес бұрын оның ресми дереккөздерде жарияланғанын тексеруге кеңес береді. Егер ақпараттың қайдан алынғаны белгісіз болса немесе күмән туғызса, оны әрі қарай таратпаған жөн.
Ақпараттық мәдениет – қазіргі қоғамның маңызды бөлігі. Әр азаматтың жауапкершілігі жалған ақпараттың таралуына жол бермеуге ықпал етеді.
