Көшеде бейнекамера тұрса – ережені сақтаймыз, полиция көрінсе – жылдамдықты азайтамыз. Ал ешкім бақыламаса ше? Нағыз тәртіп адамның жанында бақылаушы болмаған кезде байқалады. Жол ережесін сақтау, қоғамдық орында өзгеге кедергі келтірмеу, бөтеннің құқығын құрметтеу – ұсақ нәрсе болып көрінгенімен, қоғамның мәдениетін осындай әрекеттер қалыптастырады. Тәртіпті бақылаудан емес, өзімізден бастау маңызды.
