Өрт қауіпсіздігі мәселесі жыл бойы өзектілігін жоғалтпайды. Мамандардың мәліметінше, тұрмыстық өрттердің басым бөлігі электр желілерін дұрыс пайдаланбау, ашық отқа абайсыз қарау және қауіпсіздік талаптарын сақтамау салдарынан орын алады.
Әсіресе жеке тұрғын үйлер мен көпқабатты үйлерде электр құралдарын қараусыз қалдырмау, балалардың отпен ойнауына жол бермеу және қауіпсіздік ережелерін сақтау маңызды. Қарапайым сақтық шараларының өзі көптеген төтенше жағдайдың алдын алуға мүмкіндік береді.
Өрт қауіпсіздігі мәдениетін қалыптастыру – адам өмірі мен мүлкін қорғаудың маңызды кепілі. Сондықтан әрбір азамат қауіпсіздік талаптарына жауапкершілікпен қарауы тиіс.
-Айнагүл Құнұзаққызы
