Кез келген елдің мәдениеті мен даму деңгейі оның қалалары мен ауылдарының тазалығынан байқалады. Таза әрі ұқыпты орта адамдардың өмір сүру сапасына оң әсер етіп қана қоймай, қоғамдағы тәртіп пен жауапкершіліктің де көрсеткіші болып саналады.
Қазіргі таңда тазалық мәселесі тек коммуналдық қызметтердің жұмысына тірелмеуі керек. Себебі қоршаған ортаның жағдайы әр тұрғынның күнделікті әрекетіне байланысты. Қоғамдық орындарды күтіп ұстау мен табиғатқа жанашырлық таныту ортақ мәдениетті қалыптастырады.
Сондықтан тазалықты сақтау әр азаматтың өмірлік ұстанымына айналғанда ғана нақты нәтижеге қол жеткізуге болады.
— Мадина Ерболатқызы, журналист
