Қоғамның даму деңгейі тек экономикалық көрсеткіштермен өлшенбейді. Ол тұрғындардың мәдениетімен, қоғамдық орындарға деген көзқарасымен және қоршаған ортаға жауапкершілігімен де бағаланады. Осы тұрғыдан алғанда тазалық мәдениетін қалыптастыру маңызды міндеттердің бірі болып қала береді.
Соңғы жылдары елімізде экологиялық бастамаларға ерекше көңіл бөлініп келеді. Бұл жұмыстардың басты мақсаты – көшелер мен саябақтарды тазалау ғана емес, азаматтардың қоршаған ортаға деген көзқарасын өзгерту. Себебі тазалық мәселесі ең алдымен адамның ішкі мәдениетімен байланысты.
Мамандардың айтуынша, қоғамда тазалық мәдениеті қалыптасқан сайын қоршаған ортаның жағдайы жақсарып, тұрғындардың өмір сүру сапасы арта түседі. Сондықтан бұл бағыттағы жұмыстар жүйелі түрде жалғасуы қажет.
— Айбек Нажимов, журналист
