Біз жастар табиғатты қорғау туралы тек айтып қана қоймай, нақты әрекет етуіміз керек. «Таза Қазақстан» акциясына қатысу барысында өз еркіммен сенбіліктерге шығып, қоғамдық орындарды тазалау жұмыстарына атсалыстым. Осындай шаралар адамдарды жақындастырып, ортақ мақсатқа жұмылдырады. Болашақ ұрпаққа таза әрі көрікті ел қалдыру – біздің азаматтық борышымыз. Сондықтан әр адам өз үйінің ауласынан бастап, қоршаған ортаның тазалығына бейжай қарамаса, бұл бастаманың нәтижесі әлдеқайда тиімді болады.
Диас ҚАЙРАТҰЛЫ, студент
