Қоршаған ортаның тазалығы тек эстетикалық мәселе емес, халық денсаулығына тікелей әсер ететін маңызды фактор. Мамандардың айтуынша, санитарлық талаптардың сақталуы түрлі жұқпалы аурулардың алдын алуға, тұрғындардың өмір сүру сапасын жақсартуға мүмкіндік береді.
Сондықтан елді мекендерде тазалықты сақтау тек коммуналдық қызметтердің жұмысына ғана байланысты емес. Әрбір тұрғын өз ауласы мен көшесінің тазалығына жауапкершілікпен қараған жағдайда ғана тұрақты нәтиже қалыптасады.
Таза орта – қауіпсіз әрі жайлы өмірдің негізі. Сондықтан қоршаған ортаны қорғау мәселесі әрдайым қоғамның назарында болуы тиіс.
— Мадина Ерболатқызы, журналист
