Суицидтің алдын алу – тек мамандардың ғана емес, бүкіл қоғамның ортақ міндеті. Кейде адамның ішкі жан дүниесіндегі қиындықты сырт көз бірден байқай бермейді.
Сондықтан жақындарымыздың көңіл күйіне бейжай қарамай, жылы сөз айтып, тыңдап, қажет кезде қолдау көрсету өте маңызды. Әр адамның өмірі құнды, ал қандай қиын жағдай болса да, көмек пен қолдау көрсететін адамдар бар екенін түсіндіру қажет. Бір-бірімізге қамқор болып, адам өміріне жауапкершілікпен қарайық.
